പേരുകൊണ്ട് പഴമയും ശൈലി കൊണ്ട് പുതുമയും കൈ കോർത്ത ‘വടക്കേവീട്’. പോത്തൻകോട് ചന്തവിളയിൽ 2600 സ്ക്വ. ഫീറ്റിൽ പൂർത്തിയാക്കിയ മോഡേൺ കൺടെമ്പററി സ്റ്റൈൽ ഹൗസ്.
ലാറ്ററൈറ്റ് ക്ലാഡിങ് നൽകി ഹൈ ലൈറ്റ് ചെയ്ത് മുകളിലായി ടൈറ്റാനിയം ഷീറ്റിൽ CNC കട്ടിങ് നൽകി ഡിസൈൻ ചെയ്ത നെയിം പ്ലേറ്റ് എക്സ്റ്റീരിയറിലെ ആദ്യത്തെ ഹൈ ലൈറ്റാണ്.
പ്ലോട്ടിലുണ്ടായിരുന്ന മാവിനെ അതേ പടി നിലനിർത്തിക്കൊണ്ട് ചെടികളും ലോൺ ഏരിയയും ഉൾപ്പെടെ നാച്ചുറൽ സ്റ്റോണിൽ പേവിങ് ചെയ്ത് ഭംഗിയാക്കിയ വീട്ടുമുറ്റം.
വുഡൻ ലാമിനേറ്റ് ചെയ്ത ജിപ്സം സീലിങ്ങും ആർക്കി ട്രേവ് ചെയ്ത് ഭംഗിയാക്കിയ ജനാലകളും ഡബിൾ ഹൈറ്റ് സ്പേസുകളിലെല്ലാം നൽകിയ ഷാൻഡ്ലിയർ ലൈറ്റുകളും വീടിന്റെ ശ്രദ്ധാ കേന്ദ്രങ്ങളാണ്.
രാജസ്ഥാനിൽ നിന്ന് നേരിട്ട് പർച്ചേസ് ചെയ്ത മാർബിളാണ് ഫ്ലോറിങ്ങിനായി തിരഞ്ഞെടുത്തത്. ഏത് ചൂടിലും തണുപ്പ് നൽകുന്ന ഈ മാർബിൾ തന്നെയാണ് സ്റ്റെയർ കെയ്സിനും ഡൈനിങ് ടേബിൾ ടോപ്പിനും ഉൾപ്പെടെ ഉപയോഗിച്ചിരിക്കുന്നത്. ഫ്ലോറിന് കോൺട്രാസ്റ്റ് ആകും വിധം മനോഹരമാണ് സ്റ്റെയർ കെയ്സ് ഏരിയയിലെ സിമെന്റ് ടെക്സ്ചർ പെയിന്റ് .
ലാറ്ററൈറ്റ് ക്ലാഡിങ്ങും മാർബിൾ ഫിനിഷിലെ വാൾ പാനെലിങ്ങും വാഷ് ഏരിയയുടെ പ്രത്യേകതകളാണ്.
