വെമ്പായം തേക്കടയിലുള്ള NRI ക്ലയന്റിന്റെ 2024 ജൂലൈയിൽ നിർമാണം പൂർത്തിയാക്കിയ വീടിനായി ചെയ്ത ഇന്റീരിയർ ഡിസൈനിങ് പ്രോജെക്ട്.
"ഡ്രസിങ് ഏരിയയിൽ കൂടുതൽ സ്റ്റോറേജ് സൗകര്യം നൽകിക്കൊണ്ട് ബെഡ്‌റൂമുകളെ മാക്സിമം സ്പേഷ്യസ് ആയി നിലനിർത്തുക, മോഡേൺ കിച്ചണിനാവശ്യമായ ഉപകരണങ്ങളെല്ലാം ഉൾകൊള്ളാനാകുന്ന രീതിയിൽ പുറം കാഴ്ചയിൽ ഗ്ലാസ് ഷട്ടറുകൾക്കു പ്രാധാന്യം നൽകിക്കൊണ്ടുള്ള കിച്ചൻ രൂപകല്പന ചെയ്യുക, മിനിമലിസ്റ്റിക് & ക്ലാസിക് ഡിസൈൻ" എന്നിവ ആയിരുന്നു കസ്റ്റമർ മുന്നോട്ടു വച്ച പ്രധാന ആശയങ്ങൾ.
ക്ലയന്റിന്റെ ആവശ്യങ്ങളെല്ലാം പരിഗണിച്ചു കൊണ്ട് എല്ലാ റൂമുകളുടെയും വിശദമായ 2D ഇമേജുകൾ ഞങ്ങൾ തയ്യാറാക്കി നൽകി. ഒപ്പം ലാമിനേറ്റുകൾ, എഡ്ജ് ബാൻഡുകൾ, കിച്ചൻ ബാസ്ക്കറ്റുകൾ തുടങ്ങിയ മെറ്റീരിയലുകളെല്ലാം താല്പര്യാനുസരണമുള്ള നിറങ്ങളിൽ കസ്റ്റമർ തന്നെയാണ് വാങ്ങി നൽകിയത്.
വുഡൻ-വൈറ്റ് കോമ്പിനേഷനിൽ സ്റ്റോറേജ് സൗകര്യത്തോട് കൂടിയാണ് ടിവി യൂണിറ്റ് ഏരിയ ഒരുക്കിയിരിക്കുന്നത്. വൈറ്റ് മാർബിൾ ടെക്സ്ചറിലുള്ള ലാമിനേറ്റഡ് പ്ലൈവുഡിൽ പ്രൊഫൈൽ ലൈറ്റ് നൽകി ടിവി ഏരിയ ആകർഷകമാക്കിയിട്ടുണ്ട്. ബ്രൗൺ ഷെയ്ഡിൽ പിവിസി ലൂവേഴ്സുപയോഗിച്ച് വാൾ പാനെലിങ്ങും നൽകിയിട്ടുണ്ട്.
അക്വാ ഗ്രീൻ & ബ്ലാക്ക് കോമ്പിനേഷനിൽ മനോഹരമാണ് കിച്ചനുകൾ. പാൻ പുൾ ഔട്ട്, കട്ലറി യൂണിറ്റ്, ടാൻഡെം ബോക്സുകൾ, ഓയിൽ പുൾ ഔട്ട്, താലി ബാസ്കറ്റ്, വാഷിങ് മെഷീൻ ഏരിയ, റഫ്രിജെറേറ്റർ സ്‌പെയ്‌സ് എന്നിങ്ങനെ എല്ലാ വിധ സ്റ്റോറേജ് സൗകര്യങ്ങളും ഒരുക്കിയിട്ടുണ്ട്.
ഗ്രീൻ&ബ്രൗൺ കോമ്പിനേഷനിലാണ് രണ്ടാമത്തെ കിച്ചൻ ഒരുക്കിയിട്ടുള്ളത്. ടാൾ യൂണിറ്റ് ഉൾപ്പെടെ ആദ്യത്തെ കിച്ചനിലുള്ള എല്ലാ സ്റ്റോറേജ് സൗകര്യങ്ങളോടു കൂടി വിശാലമാണ് രണ്ടാമത്തെ അടുക്കള. മിക്സി, ഗ്രൈൻഡർ തുടങ്ങിയ ഉപകരണങ്ങൾ സൂക്ഷിക്കുന്നതിനായി റോളിങ് ഷട്ടർ നൽകിയിട്ടുണ്ട്.
