വീട് നിർമാണത്തിൽ ഏറ്റവും ശ്രദ്ധ നൽകേണ്ട ഘട്ടമാണ് പ്ലമ്പിങ് ഫേസ്. ഭാവിയിലുണ്ടാകാൻ സാധ്യതയുള്ള കേടുപാടുകളും കുത്തിപ്പൊളിക്കലുകളുമെല്ലാം ഒഴിവാക്കുന്നതിനായി പ്ലാനിങ് ഘട്ടത്തിൽ തന്നെ പ്ലമ്പിങ് ലേ ഔട്ട് തയാറാക്കേണ്ടത് അനിവാര്യമാണ്.
കൃത്യമായ രീതിയിൽ പ്ലമ്പിങ് ജോലികൾ പൂർത്തിയാക്കുന്നതിനും ഭാവിയിൽ മെയിന്റനൻസ് ഉണ്ടാകുകയാണെങ്കിൽ പൈപ്പ് ലൈനുകളുടെ സ്ഥാനം മനസ്സിലാക്കുന്നതിനും മെറ്റീരിയൽ ക്വാണ്ടിറ്റി കണക്കാക്കി ബഡ്ജറ്റ് നിശ്ചയിക്കുന്നതിനും ഇത്തരത്തിലുള്ള ലേ ഔട്ടുകൾ സഹായിക്കുന്നു.
കിച്ചൻ സിങ്ക്, ഡിഷ്‌ വാഷർ, വാട്ടർ പ്യൂരിഫയർ, ഹീറ്റർ തുടങ്ങിയവയ്ക്കായി ചൂടു വെള്ളത്തിനുൾപ്പെടെ നൽകിയിട്ടുള്ള വാട്ടർ സപ്ലൈ ലൈനുകളാണ് കിച്ചൻ ലേ ഔട്ടിൽ ഉൾപ്പെടുത്തിയിട്ടുള്ളത്. ചൂട് വെള്ളം സപ്ലൈ ചെയ്യുന്ന പൈപ്പിനെ ചുവന്ന നിറത്തിൽ സൂചിപ്പിച്ചിരിക്കുന്നു.
ടെറസിൽ നിന്നുള്ള വെള്ളം ശേഖരിച്ച് മഴ വെള്ള സംഭരണിയിലേക്കെത്തിക്കുന്ന പൈപ്പ് ലൈനാണ് പിങ്ക് നിറത്തിൽ സൂചിപ്പിച്ചിരിക്കുന്നത്.
സെപ്റ്റിക് ടാങ്കിലേക്കുള്ള പൈപ്പിലുണ്ടാകുന്ന ബ്ലോക്കേജ് പ്രശ്നങ്ങൾ പരിഹരിക്കുന്നതിനായി ക്ലോസെറ്റിൽ നിന്നുള്ള പൈപ്പ് ലൈനുകളെ ബന്ധിപ്പിച്ച് നൽകുന്ന ഇൻസ്‌പെക്ഷൻ ചേമ്പറിന്റെ ലേ ഔട്ട്.
