വീടിനു കൂടുതൽ ഉറപ്പു നൽകുന്ന ഫൌണ്ടേഷൻ രീതിയാണ് കോളം ഫൌണ്ടേഷൻ. മണ്ണിനു ഉറപ്പില്ലാത്തയിടങ്ങളിലോ ചരിവുള്ള പ്രദേശങ്ങളിലോ ഒക്കെ മണ്ണിരുത്തം പോലെയുള്ള പ്രശ്നങ്ങളെ തടയാൻ കോളം ഫൌണ്ടേഷൻ സഹായിക്കുന്നു. ഇതിന്റെ നിർമാണത്തിൽ അറിഞ്ഞിരിക്കേണ്ട കാര്യങ്ങൾ എന്തൊക്കെയാണെന്ന് നോക്കാം..

• വീടിന്റെ ഫൌണ്ടേഷൻ, കോളം, ബീമുകൾ തുടങ്ങിയ ഘടനകൾക്കു വേണ്ടി സ്ട്രക്ചറൽ എൻജിനീയർ വരച്ചു നൽകുന്ന ഡ്രോയിങ്ങുകളാണിവ.
• വീടിന്റെ ഭാരം വഹിക്കുന്ന  ജങ്‌ഷൻ പോയിന്റുകളും മറ്റു പ്രധാന ഇടങ്ങളും മനസ്സിലാക്കി കോളം ഫൂട്ടിങ് നൽകുക, വീടിന് അനുയോജ്യമായ ഫൂട്ടിങ് ഡിസൈനുകൾ (Isolated/Combined/Raft Footing), മെറ്റീരിയലുകൾ തുടങ്ങിയവ തിരഞ്ഞെടുക്കുക, കൃത്യമായ രീതിയിൽ നിർമാണം നടത്തുക എന്നിങ്ങനെയുള്ള എല്ലാ കാര്യങ്ങൾക്കും ഇത്തരം ഡ്രോയിങ് അനിവാര്യമാണ്.

• സ്ട്രക്ചറൽ ഡ്രോയിങ്, പ്ലാൻ  എന്നിവ അനുസരിച്ചു കൃത്യമായി കുറ്റിയടിച്ചു അടയാളപ്പെടുത്തുക (Setting Out).
•  ഫൂട്ടിങ് വേണ്ട ഇടങ്ങളിൽ കുഴിച്ചു 6 ഇഞ്ച് കനത്തിലുള്ള പിസിസി (1:4:8 എന്ന മിക്സ്‌ റേഷ്യോ) ഇടുക.
• ഉയർന്ന ഗ്രേഡിലുള്ള കമ്പി (Fe 500) ഉപയോഗിച്ചുള്ള ബെയ്‌സ് സ്‌ക്വയറിന്റെയും കോളങ്ങളുടെയും ഫ്രെയിം നിർമാണവും കൃത്യ സ്ഥാനത്തുള്ള പ്ലെയ്സ്മെന്റും ഉറപ്പാക്കുക.
• കോൺക്രീറ്റ് എല്ലായിടത്തും എത്തുന്നതിനായി ഫ്രെയിമിനു താഴെയായും കോളത്തിന്റെ വശങ്ങളിലായും കവർ ബ്ലോക്ക് (Cover Block) നൽകിക്കൊണ്ട് കൃത്യമായ അളവിൽ തട്ടടിക്കുക (Shuttering).
• ഗുണമേന്മയുള്ള മെറ്റീരിയലുകൾ ഉപയോഗിച്ച് 1:3:5 എന്ന മിക്സ്‌ റേഷ്യോയിൽ കോൺക്രീറ്റിങ് (RCC- Reinforced Cement Concrete) ചെയ്യുക.
• ഫൌണ്ടേഷന്റെ ഉറപ്പിനായി കോൺക്രീറ്റിങ്ങിനു ശേഷമുള്ള 7 ദിവസത്തെ വെള്ളം നനയ്‌ക്കൽ (Water Curing) ഉറപ്പായും ചെയ്യണം.
• മൂന്നോ നാലോ ദിവസം കഴിഞ്ഞ് തട്ടു പൊളിക്കാവുന്നതാണ്.
• 7 ദിവസത്തെ വെള്ളം നനയ്ക്കൽ കഴിഞ്ഞു ലാൻഡ് ഫില്ലിങ്‌ ചെയ്യാം.

• തറ നിരപ്പാക്കുന്നതിനും പ്ലിന്ത് ബീമിന് മണ്ണുമായി ബന്ധമുണ്ടാകാതിരിക്കുന്നതിനും 4 ഇഞ്ച് കനത്തിലുള്ള പിസിസി ചെയ്യുക.
• ഗുണമേന്മയുള്ള കമ്പി ഉപയോഗിച്ച് ഫ്രയിമുണ്ടാക്കി പിസിസിക്കു മുകളിൽ സ്ഥാപിക്കുക. ഫ്രയിമിനടിയിലായി കവർ ബ്ലോക്കുകൾ നൽകാൻ പ്രത്യേകം ശ്രദ്ധിക്കുക.
• രണ്ടു വശങ്ങളിലുമായി തട്ടടിച്ചതിനു ശേഷം 1:3:5 എന്ന മിക്സ്‌ റേഷ്യോയിൽ വൈബ്രേറ്റർ ഉപയോഗിച്ചു കോൺക്രീറ്റിങ് ചെയ്യണം.
• 7 ദിവസങ്ങൾക്കു ശേഷം തട്ടുകൾ നീക്കം ചെയ്യാമെങ്കിലും 14 ദിവസം തുടർച്ചയായി വെള്ളം നനച്ചതിനു ശേഷം മാത്രമേ മറ്റു നിർമാണ പ്രവർത്തികൾ തുടങ്ങാൻ പാടുള്ളൂ.
• അതിനുശേഷം പ്ലിന്ത് ബീമിന് മുകളിലും വശങ്ങളിലുമായി ഈർപ്പത്തെ പ്രതിരോധിക്കുന്നതിനായുള്ള ബിറ്റുമിൻ കോട്ടിങ് (Damp Proofing) നൽകണം.
• രണ്ടോ മൂന്നോ ദിവസത്തിനു ശേഷം ഫൌണ്ടേഷനിൽ ലാൻഡ് ഫില്ലിങ് ചെയ്യാവുന്നതാണ്.